Sadaļas Sadaļas

#puslopys: Anita Graudiņa – par humoru, Kaliporneju i myužeigū skaistumu

Latgalīšu literaturas podkāstā aba raidīrokstā “Puslopys” sasateikam ar Anitu Graudiņu aba Plōciņu Masi, kas roksta prozu myusdīnuos mozuok izplateitā žanrā – feletoni.

Raidīroksts “Puslopys” ir myusdīnu latgalīšu literaturys puslopu puorškūrsteišona – apsarunuošona ar autorim par raksteišonu, volūdu, kasdīnu i dzeivi kai taidu. “Puslopys” aicynoj īsaklauseit ari latgaliski pīraksteitūs dorbūs voi tū fragmentūs pošu autoru skaitejumā, taipat kotrā sasatikšonys reizē tūp vīna jaunys dzīsmis skice ar satyktuo autora tekstu. Itymā reizē muzikis, viesturnīks i raidejumu vadeituojs Arņs Slobožanins i latgalīšu volūdys entuziaste, marketinga specialiste Edeite Husare sasateik ar Anitu Graudiņu.

Daudzus godus kai žurnaliste i redaktoris vītineica Anita Graudiņa struoduojuse laikrokstā “Rēzeknes Vēstis”, bejuse Rēzeknis Tautys teatra aktrise. Bet nu 1994. goda zam Plōciņu Masis vuorda roksta viestulis iz Kaliporneju sovai draudzinei Cecilejai i kai feletonus publicej tūs avīzē. Anitai Graudiņai izguojušys jau treis Plōciņu Masis gruomotys i pādejuo, kas izdūta 2020. godā, “Plōciņu Mase roksta” ir treju symtu puslopu apkūpuojums vysom iz Kaliporneju syuteitajom viestulem vaira nikai 25 godu garumā. Plōciņu Masis viestulis ir sovpateiga myusu laiku viesturis fiksaceja par nūtikšonom pasaulī, Latvejā i Rēzeknē, bet juos izteicīni (“Myužeigs skaistums!”, “Gudreibys beņčs!” i cyti) tykuši par sova laika paaudzis kasdīnā bīži lītuotim teicīnim.

 

Kļūda rakstā?

Iezīmējiet tekstu un spiediet Ctrl+Enter, lai nosūtītu labojamo teksta fragmentu redaktoram!

Iezīmējiet tekstu un spiediet uz Ziņot par kļūdu pogas, lai nosūtītu labojamo teksta fragmentu redaktoram!

Saistītie raksti
Jaunākie
Interesanti

Informējam, ka LSM portālā tiek izmantotas sīkdatnes (angļu val. "cookies"). Turpinot lietot šo portālu, Jūs piekrītat, ka mēs uzkrāsim un izmantosim sīkdatnes Jūsu ierīcē. Uzzināt vairāk

Pieņemt un turpināt