Puslopys

#puslopys MARUTA LATKOVSKA – drūsmi dadūd unuki

Puslopys

#puslopys INGA KAĻVA-MIŅINA – konkursi, izgleiteiba i dzejis mape

#puslopys AIJA MIKELE – fizika, mistika i kriminalromani

#puslopys Aija Mikele – fizika, mistika i kriminalromani

"Tod, kod beja ostoituos klasis aba "pa jaunam" 9. klasis izlaidums, es sovom draudzinem saceju – kod izaugšu lela, raksteišu gruomotys. Beja taida puorlīceiba," tai  par sevi  myusdīnu latgalīšu literaturai velteitajā raidīrokstā "Puslopys" soka deveņu kriminalromanu autore Rēzeknis nūvoda Muokuļkolna pogostā dzymušuo Aija Mikele. Jei roksta ari stuostus, dzeju i lugys, ir literatu bīdreibys "Latgales ūdensroze" vadeituoja i kai žurnaliste struodoj laikrokstā "Rēzeknes Vēstis".

Aija Mikele

Skaiteit Aija īsavuicejuse jau 4 godu vacumā, bet pyrmais dzejūļs rodīs, kod jai bejuši 6 godi. Dzeju turpynuojuse raksteit ari školys godūs. Bet pyrmū romanu jei pīrakstejuse "Latvijas Avīzes" konkursam "Lata romāns". I ar pyrmū romanu "Piepildi savus sapņus" (2002) tykuse ari uzvarātuoju vydā. Aija pārn uzjimta Latvejis Rakstnīku savīneibā i itūšaļt ir deveņu kriminalromanu autore. Daudzi juos dorbi publicāti ar uzvuordu Zuja, jei publiciejusēs ari vairuokūs kūpkruojumūs, par pīmāru, literaturys almanahā "Olūts".  Taipat navar napīminēt ari tū, ka Aija ir absolvējuse Daugovpiļs Universitatis Fizikys i matematikys fakultati. "Principā fiziki i liriki taidā veidā vysā daudzi atsaškir. Nu taišni tī pasnīdzieji i jo eipaši vīns teoretiskuos fizikys pasnīdziejs īmuocēja myus dūmuot i analizēt, i deļtuo varbyut ari tī detektivi koč kai vīgļuok rokstīs."

Romana sižets Aijai atīt ar tuo suokumu i golu, kai ari ar varūņu vuordim, nu poša romana gaita vaira naasūt cik daudzi juos puorziņā. "Jī poši dzeivojās i es tik rokstu. [..]

šaļtim tys, kas tymā dorbā pasaruoda, maņ ari pošai ir taids kai atkluojums, kū tī varūni tī sadora."

Aija nasliep, ir reizis, kod rakstnīks ir kai tys, kurs īsaver laikūs iz prīšku i juo pīraksteitais dorbs piečuok izaruoda, ka var byut i cīši eistyns. "Maņ tai beja, kod raksteju ari stuostus, kas beja vītejā avīzē daudzi publicāti. Tī beja vīns stuosts par vīnu lauku apleicīni, kur nalegali ražuoja kandžu, kuru piec tam uzdeve kai lobu grādeigū dzierīni i puorvoduoja pīna mašynuos. Piečuok, kod stuosts jau beja nūpublicāts, piec puora mienešu atsakluoja, ka koč kur Latgolā eistyn ir leidzeiga shema."

Koč ari Aijis dzymtuo volūda ir taišni latgalīšu, dorbus jei roksta kai latvīšu literarajā volūdā, tai i latgaliski. Romani puorsvorā tūp latvyski, nu stuosti – latgaliski. "Tys dorbs atīt taidā volūdā, kaidā jis prosuos iz papeira."

Latgalīšu literaturys raidīroksts "Puslopys" ir myusdīnu latgalīšu literaturys puslopu puorškūrsteišona – apsarunuošona ar autorim par raksteišonu, volūdu, kasdīnu i dzeivi kai taidu. "Puslopys" aicynoj īsaklauseit ari latgaliski pīraksteitūs dorbūs voi tūs fragmentūs pošu autoru skaitejumūs, taipat kotrā sasatikšonys reizē tūp vīna jaunys dzīsmis skice ar satyktuo autora tekstu.

Ar latgalīšu literaturys autorim sasarunoj muzikis, viesturnīks Arņs Slobožanins i projektu vadeituoja, latgalīšu volūdys popularizātuoja Edeite Husare.

Kļūda rakstā?

Iezīmējiet tekstu un spiediet Ctrl+Enter, lai nosūtītu labojamo teksta fragmentu redaktoram!

Iezīmējiet tekstu un spiediet uz Ziņot par kļūdu pogas, lai nosūtītu labojamo teksta fragmentu redaktoram!

Vairāk

Svarīgākais šobrīd

Vairāk

Interesanti

Informējam, ka LSM portālā tiek izmantotas sīkdatnes (angļu val. "cookies"). Turpinot lietot šo portālu, Jūs piekrītat, ka mēs uzkrāsim un izmantosim sīkdatnes Jūsu ierīcē. Uzzināt vairāk

Pieņemt un turpināt