Kod 1917. goda februara revolucejā nu trūņa tyka guozts Krīvejis imperators Nikolajs II, suocēs dreiza Krīvejis demokratizaceja, tyka atļauta politiskuo, vuorda i puļciešonuos breiveiba. Latgalīši izmontuoja rodušūs situaceju, lai apsavīnuotu ar puorejim latvīšim. 1917. goda martā itūs vaicuojumu apsprīsšonu suoce grupa Pīterpilī dzeivojūšūs latgalīšu. Tūlaik ari teik sasprīsts par vajadzeibu Rēzeknē reikuot Latgolys puorstuovu sanuoksmi voi Latgolys kongresu. Kongresā tyka pījimta svareiga rezoluceja ar apsavīnuošonys nūsacejumim.
2017. goda 5.–6. majā Rēzeknē tyka reikuots 4. pasauļa latgalīšu saīts „Latgolys symtgadis kongress”, kurā, puļcejūtīs latgalīšu aktivim sabīdryskajim i kulturys darbinīkim, tyka svineigi pīmynāti viesturyskī nūtykumi i pījimta jauna rezoluceja.
*Testu paleidzēja veiduot ari Latgolys symtgadis kongresa saīta rezolucejis izpiļdis komiteja.
